Kryetari i Skenderajit, Bekim Jashari, sot ka adresuar akuza ndaj degës së PDK-së në Skenderaj, dhe partive tjera tjera opozitare të cilat kanë bojkutuar seancën e Kuvendit Komunal të Skenderajt.
Dega e PDK-së në Skenderaj ka squar nëpërmjet një komunikate arsyet pse sot asambleistët e saj e kanë bojkutuar seancën e Kuvendit Komunal të Skenderajt.
Lexojeni të plotë komunikatën e Degës së PDK-së në Skenderaj:
Më qëllim të informimit të drejtë të qytetarëve të Skenderajt, të anëtarëve dhe simpatizantëve të PDK-së në Skenderaj dhe opinionit publik në përgjithësi, Dega e PDK-së në Skenderaj informon me sa vijon:
Grupi i Asamblistëve të PDK-së në Kuvendin komunal të Skenderajt në seancën e mbajtur më 30 janar 2018, ka lëshuar seancën si veprim politik dhe nuk është pajtuar me formën dhe proceduarën e zgjedhjes së komiteteve të përhershme si organe të Kuvendit komunal të Skenderajt.
Thirrja e seancës së njëjte nga Kryesuesja e Kuvendit duke ditur apriori vendimin e Grupit të Asamblistëve të PDK-së dhe duke llogaritur në votat e një pjese të opozitës (votues të saj), është tregues i qartë i jo profesionalizmit papërgjegjësisë dhe papërvojës së studentes së arkitekturës. E gjithë kjo marrë parasysh procedimin e çështjeve pronësore pa u konstituuar organet e Kuvendit siç është KPF (Komiteti për Politikë e Financa).
E informojmë opinionin publik dhe qytetarët e Skenderajt se Grupi i Asamblistëve të PDK-së në Kuvendin komunal të Skenderajt nuk ka sabotuar dhe nuk do të sabotojë punën e Kuvendit dhe Kryeartit të komunës Bekim Jashari, përkundrazi do të mbështesë çdo iniciativë dhe projekt që është në të mirë të qytetarëve të Skenderajt.
Grupi i Asamblistëve të PDK-së në Kuvendin komunal të Skenderajt nuk do të bie pre e etiketimeve dhe presioneve e publike e jo publike që po u bëhen anëtarëve të tij, për të përkrahur punën e Kryesueses së Kuvendit komunal që po vepron në kundërshtim me përgjegjësitë ligjore të saj dhe duke bërë veprime të jashtëligjshme.
