Nisma për Kosovën ka akuzuar degën e PDK-së në Drenas se po e dëmton demokracinë në këtë qytet. Sipas tyre, mos lejimi i mbajtjes së seancës e ka dëmtuar demokracinë duke mos lejuar opozitën që të shpreh qëndrimet e veta.
“PDK-ja e dëmtoi demokracinë në Drenas duke pamundësuar vazhdimin e seancës së jashtëzakonshme nëpërmjet votimit !!!Të nderuar qytetar të Drenasit, të nderuar anëtarë dhe përkrahës të NISMA për Kosovën, dje ishte paraparë të mbahet seanca e jashtëzakonshme në Kuvendin Komunal të Drenasit e thirrur nga opozita e vërtet ku për thirrjen e kësaj seance kanë nënshkruar edhe Asamblistët tanë nga NISMA për Kosovën. E potencuam me lartë opozita e vërtet sepse disa Asambleist u thirren si të pavarur gjatë periudhës së zgjedhjeve madje edhe u thirren se gjoja janë opozitë, por përfunduan nen kraharorin e pushtetit aktual të PDK-së ku përfundimisht e demaskuan fytyrën e tyre të vërtet.
NISMA për Kosovën – Dega në Drenas konsideron se mos lejimi i vazhdimit të seancës së jashtëzakonshme e dëmtoi demokracinë duke mos e lejuar opozitën ti shpreh qëndrimet e veta në lidhje me seancën e thirrur. NISMA për Kosovën – Dega në Drenas është e përkushtuar në rrugën e saj opozitare në Drenas, gjithmonë e përkushtuar në ngritjen e shqetësimeve të qytetareve të Drenasit si dhe trajtimit të tyre në Kuvendin Komunal në Drenas si institucioni më i lart vendimmarrës në nivel Komune, thuhet në komunikatën e Nisem dega në Drenas”, thuhet në komunikatën e NISMA-s.
