Albin Kurti ka mbajtur konferencën e parë për media si kryetar i Lëvizjes Vetëvendosje, pas zgjedhjeve që u mbajtën të dielën.
Në këtë konferencë, Kurti u pyet nga gazetarët nëse aktivistët e thërrasin ‘babë’ apo ‘komandant’, pas pretendimeve të disa deputetëve.
Ai tha se ka pasur raste kur aktivistët e kanë thirrur kryetar, pavarësisht që ishte deputet – por, asnjëherë të vetme tha se nuk e kanë thirr ‘babë’ as ‘komandant’.
“Jo nuk më thërrasin aktivistët komandantë as babë. Ka pasur raste kur më kanë thirr kryetar sa kam qenë deputet, por jo komandant. Jemi në paqe, jo në luftë”, tha tutje Kurti.
Për zgjidhjen e problemeve me të cilat po përballet LVV, Kurti tha se të ngarkuar janë Shpend Ahmeti e Glauk Konjufca.
Tutje, ai sërish deklaroi se nuk do t’i hakmerret askujt as nuk do të përdor dorën e ‘hekurt’, pavarësisht vendimeve që marrin anëtarët e kësaj partie./Periskopi
