Ministria e Infrastrukturës ka bërë një apel te të gjithë pjesëmarrësit në trafikun rrugor që të kenë me vete pajisjet dimërore.
MI përmes një njoftimi të bërë mbrëmë ka shtuar se kompanitë e mirëmbajtjes së rrugëve po bëjnë çdo gjë që është e nevojshme, në mënyrë që të gjitha rrugët të jenë të kalueshme. Deri më tani intervenime ka patur në të gjitha rrugët e vendit, duke u hedhur krip dhe rërë atyre, në mënyrë që të garantohet lëvizje e lirë dhe qarkullim i sigurtë.
Ministria e Infrastrukturës u bënë thirrje të gjithë pjesëmarrësve në trafikun rrugor që të lëvizin me kujdes dhe të kenë me vete pajisjet dimërore, në mnëyrë që të evitohen aksidentet dhe bllokadat e mundëshme në rrugë.
Ministria e Infrastrukturës po ashtu, mbetet e përkushtuar që të sigurojë rrugë të sigurta dhe të kalueshme edhe përkundër kushteve të rënduara atmosferike. /Drencia Press/
