Rreth orës 11:54 qyteti i Skenderajt ka pësuar lëkundje të itensitetit të ulët. Në redaksinë e Drenica Press me dhjetëra qytetar kanë lajmëruar se kanë ndjerë këtë lëkundje të pësuar nga termeti.
Këtë lëkundkje e pohon edhe Shërbimi Gjeologjik i Kosovës, ku ka njoftuar se duke u bazuar në Shërbimin Gjeologjik i Kosovës dhe Qendrës Sizmike Euro-Mediterane, si dhe në analizën numerike të Divizionit Sizmologjik të Kosovës, sot në ora 11:54, vendi ynë është lëkundur nga një tërmet që ka goditur Malin e Zi.
Sipas raportit të divizionit sizmologjik, me magnitudë 5.2 sipas shkallës Rihter, përkatësisht me intensitet VII ballë të Merkalit, dhe është përcjell me disa tërmete (Pasgoditje) me intensitet më të ulët 2.8-4 shkallë Rihter.
“Epiqendra e këtij tërmeti ishte 64 km në lindje të Podgoricës, 24 km perëndim të Pejës, respektivisht në koordinatat : 42.62 (latituda) dhe 19.96 (longituda) ndërsa thellësia hipoqendrore ishte 10 km. Për shkak të thellësisë së përfillshme të vatrës së tij, tërmeti në fjalë është ndier dukshëm nga qytetarët e Dukagjinit dhe tërë Kosovës. Deri më tani Rrjeti Sizmik nuk posedon të dhëna lidhur me dëmtimet eventuale në zonën epiqendrore”, thuhet në raport.
