Kryetari i Komunës së Drenasit, Ramiz Lladrovci së bashku me Kryesuesin e Kuvendit të Komunës së Drenasit, Labinot Halilaj si dhe Drejtoreshat e Drejtorive Komunale, pritën në takim Kryesuesen e Komunës së Skenderajt, Fatbardha Haliti të cilët biseduan për mundësitë e bashkëpunimit ndërmjet dy Kuvendeve Komunale.
Kryetari Lladrovci e uroi për pozitën e re zonjen Haliti duke i ofruar bashkëpunim për të gjitha çështjet që janë në interes të qytetarëve, në veçanti bashkëpunimin ndërkomunal.
“Bashkëpunimi ynë me Skënderajn do të thellohet dhe begatohet, duke qenë shembull i bashkëpunimit, në interes të qytetarëve dhe komunave tona. Jemi duke trajtuar të gjitha mundësitë që bashkëpunimi ynë ndërkomunal të jetë shembull dhe pikë e fortë e pushtetit tonë lokal”, theksoi Lladrovci.
Kryesuesja e Kuvendit të Skënderajt, Fatbardha Haliti e falënderoi Lladrovci duke u zotuar se bashkëpunimi do të intensifikohet me qëllim të ngritjes së cilësisë së jetës së qytetarëve të dy komunave.
Haliti po ashtu, mori pjesë në seancën e rregullt të Kuvendit të Komunës së Drenasit, e cila ishte e ftuar nga Kryesuesi i Kuvendit të Drenasit, Labinot Halilaj.
