Anëtarët e Kuvendit Komunal të Skenderajit, sot kanë zgjedhur edhe kryesuesin e Kuvendit Komunal.
Zgjedhja e kryesuesit është përcjellur me manipulime, duke qenë se në garë ishin dy kandidatë Ismet Salihu, i afërt me Sami Lushtakun dhe Fatbardha Haliti që preferohet nga Bekimi Jashari.
Për të ditur se kush për kë po voton, një anëtar i komisioni ka bërë një “trik” duke bërë me shenjë fletëvotimet e atyre që dyshohet se ishin të luhatshëm dhe më pas gjatë numrimit do të dihet se për këtë kanë votuar ata asambleistë, shkruan Magazina.al
Këtë “detaj” e ka vërejtur komisioni dhe pas kësaj anëtari Musa Fazliu është përjashtuar dhe votimi ka vazhduar.
Këtë parregullesi e kanë bërë publike në rrejtin social facebook anëtar të Lëvizjes Vetëvendosje dega në Skenderaj.
Pas këtij votimi, anëtarët e Kuvendit, e kanë zgjedhur Fatbardha Halitin si kryesuese të Kuvendit Komunal. Magazina.al
