Në QKMF Skenderaj, në kuadër të projektit AQH – Kujdes Shëndetësor i Qasshëm dhe Cilësor është në përfundim e sipër Projekti për Pajisjen me pajisjet bazike për shërbimet e Kujdesit Primar Shëndetësor.
Sot QKMF Skenderaj ka pranur pajisjet për 6 ordinanca të Mjekësisë Familjare, me të cilat kompletohen pothuajse plotësisht nevojat e ordinancës së Mjekësisë Familjare. Ka mbetur vetëm një kontigjent i vogël i pajisjeve, të cilat pritet së shpejti të arrijnë.
Këto pajisje e ndihmojnë mjekun familjar që me lehtësi të kryej ekzaminimet e nevojshme dhe lehtësojnë atë që drejtëpërdrejtë, në ordinancën e tij të vij ma lehtë të diagnoza apo dyshimi i bazuar.
Këto nuk janë aparatura të “mëdha” por janë të mjaftueshme për mjekun familjar me e kompletuar një vizitë mjekësore.
Tash mjeku familjar në Skenderaj ka po ato pajisje që i ka kolegu i tij në vendet ma të përparuara të Europës dhe botës.
Bashkë me AQH, QKMF Skenderaj ka punuar në këtë projekt, pothuajse një vit për të kompletuar listën e pajisjeve si dhe specifikimin e tyre.
Projekti AQH në Kosovë është i financuar nga Agjencia Zvicerane për Zhvillim dhe Bashkëpunim (SDC) dhe është duke u implementuar nga Konsorciumi Sëiss TPH dhe Save the Children.
QKMF Skenderaj falenderonë AQH për mirëkuptimin që ka treguar gjatë gjithë ecurisë së projektit dhe deri në realizim.
QKMF Skenderaj ka bërë të ditur se është e përkushtuar që edhe në të ardhmen të përgatis projekte të reja, që do të përforcojnë cilësinë e shërbimeve shëndetësore për qytetarët e Skenderajt.
Aktualisht, QKMF Skenderaj po punon në projektin e katërt të radhës – të cilësisë së shërbimeve, dhe presin që së shpejti të ua prezantojmë donatorëve.
Projekti i sotëm vjen edhe si dhurata ma e mirë për Festat e Nentorit për kujdesin shëndetësor në Skenderaj./Drenicapress.info/
