Kryeministri i vendit, Ramush Haradinaj sot ka bërë homazhe për nder të 28 nëntorit – Ditës së Flamurit, te varrezat e familjes Jashari në Prekaz.
“Jemi në prag të festës së 28 Nëntorit, një festë që i bashkon shumë festa por ajo më me rëndësi është ajo e pavarësisë së Shqipërisë dhe fatmirësisht edhe një pjesë e atdheut tonë”, ka thënë Haradinaj,njofton Klan Kosova.
“Jemi tek Jasharët në vendin ku është bërë kthesa me rënien heroike , përulemi me respekt duke i nderuar para të gjithë dëshmorëve kudo që janë të të gjitha kohërave”, ka thënë më tej Haradinaj.
