Në kuadër të projektit“Ecofriend- Riorganizimi i shërbimeve komunale”, projekt ky i cili financohet nga Deutsche Gesellschaft für Internationale Zusammenarbeit (GIZ) GmbH, në bashkëpunim me Komunën e Drenasit dhe implementohet prej organizatës joqeveritare Green Art Center-Prishtina (GAC),po bëhet lancimi i kampanjës “N’vend t”Vet” në qytetin e Drenasit, si dhe po zhvillohen aktivitete dhe aksione të ndryshme mjedisore në kuadër të këtij eventi.
Ky projekt do të konsistojë në riorganizimin e infrastrukturës përcjellëse komunale për grumbullimin e mbeturinave dhe pilotimin e ndarjes së mbeturinave të riciklueshme në zonën qendër të qytetit.
Drenica Press mëson se kryetari i Drenasit, Ramiz Lladrovci, i shoqëruar me bashkëpunëtor komunal ka marrë pjesë në hapjen e kampanjës. /Drenica Press/
