Dy kryetaret e sapo zgjedhur, Bekim Jashari për komunën e Skenderajt dhe Ramiz Lladrovci i komunës së Drenasit zhvilluan homazhe në Kompleksin e Jasharave duke vendosur lule pranë varrit të Komandantit legjendar Adem Jashari.
Kryetari i Drenasit, Ramiz Lladrovci, ka thënë se me Bekimin, do të punojmë për të mirën e qytetarëve të dy komunave.
Postimi i Lladrovcit:
Së bashku me kryetarin e zgjedhur të Skënderajt, Bekim Jasharin, kam bërë homazhe dhe vendosur lule te Memoriali i Jasharajve në Prekaz, pranë vendit ku prehet Komandanti legjendar, Adem Jashari.
Me Bekimin, do të punojmë për të mirën e qytetarëve të dy komunave. Mbaj akoma të freskët porosinë kur Bekimi më ka thënë para disa muajsh se duhet punuar në të mirën e qytetarëve.
Falënderojmë të gjithë qytetarët e Drenasit dhe të Skenderajt që na kanë mbështetur dhe ne së bashku këtë mbështetje do të ju kthejmë në zhvillim ekonomik, investime dhe krijim të vendeve të reja të punës.
Respekti më i madh për dëshmorët sot, është të respektohet ligji.
