Ndërsa Forcat Ajrore të NATO-s filluan ushtrimet ajrore mbi Shqipëri që kishin për qëllim të frikësonin udhëheqësin serb Slobodan Millosheviq për t’i dhënë fund luftës në Kosovë, ushtria serbe vazhdonte betejën në terren.
Objektivat e tyre ishin furnizuesit e armëve në kufirin mes Shqipërisë dhe Kosovës.
Pak kilometra në jug të qytetit të Gjakovës, ushtarët serbë qëlluan dhe vranë një shqiptar, transmeton InfoPress.
Në videon dramatike të publikuar nga Associated Press shihet se si ushtria serbe vriste shqiptarët të cilët furnizonin me armë Ushtrinë Çlirimtare të Kosovës.
Ndërkohë, që rrjedha e refugjatëve shqiptarë që kalonin kufirin vazhdonte me të madhe. Shumë prej tyre ecin me ditë të tëra pa ushqim para se të arrijnë në anën tjetër të kufirit.
Shikoni videon:
