Inter nuk heq dorë nga Javier Pastore. Sipas asaj që ka shkruar sot “Tuttosport”, disa ndërmjetës po punojnë në aksin Milano-Paris për të konkretizuar në janar shkëmbimin Javier Pastore-Joao Mario, me këtë të fundit që pëlqehet shumë nga drejtori sportiv i francezëve Antero Henrique.
Pastore ka pasaportë italiane dhe, për rrjedhojë, transferimi i tij tek Inter nuk do të pengonte huazimin e Ramires nga Jiangsu Suning. Goditja e dyfishtë me kosto zero do të ishte zgjidhja ideale për Inter, duke parë se klubi milanez është i kushtëzuar nga “Fair Play” Financiar.