Dega e PDK-së në Drenas janë shprehur të bindur në fitoren e kandidatit të kësaj partie në zgjedhjet e sotme lokale.
Sipas PDK-së, rezultatet para bëjnë të ditur për një fitore të jashtëzakonshme të kandidatit, Ramiz Lladrovci edhe për një mandat të dytë, transmeton Indeksonline.
Lladrovci theksohet të ketë marr urimet e para nga krerët e vendit si dhe nga krerët e lartë të shtetit amë, Shqipërisë.
Kjo është komunikata e plotë:
Nga rezultatet e para që ka Dega e PDK-së në Drenas e vlerëson si një fitore të jashtëzakonshme të kryetarit aktual dhe kryetarit të ardhshëm të Komunës së Drenasit, Ramiz Lladrovci. Njëherit Dega e PDK-së në Drenas, falënderon të gjithë qytetarët për kulturën e lartë demokratike që kanë treguar dhe daljen masive në zgjedhje, dhe vlerëson për një proces të votës së qetë dhe demokratike.
Kryetari Lladrovi tashmë ka marr urimet e para nga krerët më të lartë të vendit, Kadri Veseli, nga Ali Ahmeti dhe krerët e lartë nga shteti amë, Shqipëria.
Qytetarët të shumtë, para Degës së PDK-së dhe në sheshin “Fehmi Lladrovci” janë duke festuar në mënyrën më shembullore dhe besimin e plotë se edhe asamblistët e PDK-së do të jenë shumicë në Kuvendin e ri.
