Artistja dhe profesoresha Elmaze Nura ka ftuar të gjithë qytetarët e Republikës së Kosovës me të drejtë vote që t’u drejtohen kutive të votimit.
“Sot është një ditë vendimtare për Republikën e Kosovës. Qytetarët me votën e tyre do të përcaktojnë lidershipin e ardhshëm komunal. Ky proces zgjedhor mbahet në një periudhë aspak të lehtë për popullin tonë, ku besimi te politika është zbehur”, ka thënë Nura.
Por, pavarësisht të gjithave, sipas saj, nuk ka arsye bindëse askush që të mos votojë.
“Sidomos, ata që janë më të zhgënjyerit, do të duhej t’u drejtoheshin kutive të votimit. Një herë në katër vjet flet Sovrani, prandaj mos e lëshoni këtë mundësi për të shprehur vullnetin politik”, ka thënë ajo duke shtuar se një votë mund të duket pak, por edhe një votë mund ta bëjë ndryshimin./Indeksonline/
