Kandidati për kryetar të Komunës së Skenderajt, Bekim Jashari, është parë sot me dy anëtarët të Partisë Demokratike të Kosovës (PDK), Bekim Haxhiun – po ashtu deputet i Kuvendit të Kosovës – dhe Nuredin Lushtakun.
Në një fotografi që ka siguruar Insajderi, shihen Jashari, Haxhiu dhe Lushtaku me disa persona të tjerë duke kaluar kohë së bashku në një vend publik.
Kandidati i pavarur për kryetar të Skenderajt, djali i Hamëz Jasharit, Bekim Jashari shihet me një cigare para vetes, edhe pse konsumimi i duhanit në ambiente publike është i ndalueshëm me ligj, raporton Insajderi.
Jo vetëm Jashari, por edhe shoqëruesit e tij në lokal kanë para vetes cigare.
Jashari, si kandidat i pavarur në Komunën e Skenderajt, ka marrë mbështetje nga Partia Demokratike e Kosovës (PDK) për zgjedhjet lokale të 22 tetorit.
Dje gjatë ditës, Bekim Jashari është pritur në një takim zyrtar nga kryeministri Ramush Haradinaj. /Insajderi.com
