Komisioni Qendror i Zgjedhjeve ka bërë renditjen e deputetëve që do t’i zëvendësojnë ata që morën poste ekzekutive.
Sipas KQZ-së, deputeti Nait Hasani do ta zëvendësojë Ramush Haradinajn, i cili u zgjodh kryeministër i Kosovës, Enver Hoti do ta zëvendësojë Enver Hoxhajn, i cili u zgjodh zëvendëskryeministër dhe Bekë Berisha do ta zëvendësojë Pal Lekajn, i zgjedhur ministër i Infrastrukturës, shkruan Gazeta Express.
Fatmir Limaj pasi mori postin e zëvendëskryeministrit dhe deputeti Fadil Beka do ta zëvendësojë atë në Kuvendin e Kosovës, ndërsa zëvendëskryeministrin e parë, Behgjet Pacolli, do ta zëvendësojë Imet Rrahmani.
Ministrin e Forcës dhe Sigurisë së Kosovës, Rrustem Berisha, do ta zëvendësojë Gani Dreshaj, ndërsa Rasim Demirin, që u zgjodh ministër i Zhvillimit Rural, do ta zëvendësojë Brahim Shabani.
