Deputeti i Nismës Zafir Berisha, është deklaruar pas vendimit të KQZ-së që ai të decertifikohet dhe t’i pamundësohet gara për të parin e Prizrenit.
Berisha i ka thënë Gazetës Blic, se ai do bëjë ankesë në Gjykatën Kushtetuese.
“Klani Pronto e ka arritur qëllimin, që të më ofendoj, por unë do të bëjë ankesë në Gjykatën Kushtetuese, sepse ky dënim nuk do të mundet të më pengojë të eci tutje, po ashtu do të bëjë edhe ankesa në KQZ”, deklaroi Berisha.
Megjithatë Berisha shtoi se çfarë do vendimi që do të merret, ai do ta respektoj atë.
“Do t’i respektoj vendimet, por edhe të drejtat e mija do t’i shfrytëzoj”, tha Berisha.
Gjatë ditës së sotme, KQZ ka marrë vendim që të decertifikikohen 86 kandidatët për asamble komunale dhe kandidatë për kryetar të komunave, ndër ta edhe deputeti Zafir Berisha.
Kujtojmë që Zafir Berisha ka një dënim prej 140 euro për shkak të kyçjes në energjinë elektrike në mënyrë ilegale.
