Në lagjen Lakërishtë në Prishtinë, rreth orës 15:40, ka ndodhur një plaçkitje e armatosur.
Zëdhënësja e policisë për rajonin e Prishtinës, Flora Ahmeti, e ka konfirmuar rastin për arbresh.info.
“Nuk dihet se çfarë është grabitur,por rreth orës 15:40 kemi marrë një informatë që disa persona të armatosur kanë grabitur një objekt, në rrugën Bill Clinton në Prishtinë”, ka thënë Ahmeti.
Indeksonline ka siguruar videon ku shihen disa persona me maska dhe me kallashnikovë duke kryer vjedhjen në mënyrë spektakolare.
E tëra ka ndodhur në pikë të ditës përderisa personat zyrtarë ishin në vendin e punës.
Tashmë në vendin e ngjarjes kanë arritur edhe pjesëtarë të Policisë së Kosovës.
Në vendin e ngjarjes ka arritur edhe forenzika ku po kryen hetimet e para./arbresh.info
