Ditë më parë ka ndërruar jetë, Mehmet Lladrovci, babai i komandantit të UÇK-së, Fehmi Lladrovcit, dhe i kryetarit të Drenasit, Ramiz Lladrovcit.
Në ditën e vorrimit të Bacit Tush por edhe në tre ditët për ngushëllime ka pasur numër të madh njerëzish nga të gjjitha trojet shqiptare.
Kryetari i Drenasit, Ramiz Lladrovci, ka falenderuar të gjithë miqtë dhe dashamirët për kryeshëndoshë.
Falenderimi i Lladrovcit:
Me rastin e shprehjes së ngushëllimeve për tri ditët e shkuara për Babën Tush, falënderoj të gjithë miqtë e dashamirët për kryeshnosh. Falënderoj edhe ata që nuk arritën të jenë fizikisht me neve këto tri ditë për shkaqe të ndryshme.
Falënderoj të gjithë miqtë e dashamirët nga të gjitha trojet etnike që në mënyra të ndryshme morën pjesë në dhimbjen tonë por nuk mundën të vijnë për ngushëllime.
Po ashtu, shpreh falënderim të veçantë për ngushëllimet e shprehura nga udhëheqësit institucional të vendit tonë, Drenicës, vendit amë dhe Maqedonisë, partitë politike dhe bartësit e përgjegjësive institucionale.
Baba Tush, në veçanti ka treguar respekt për familjet e dëshmorëve, andaj edhe unë i falënderoj të gjitha familjet e dëshmorëve veç e veç që morën pjesë në dhimbjen tonë, duke ritheksuar se ato janë vlerë e jashtëzakonshme e vendit tonë.
Të gjithëve, ju falënderoj me respektin më të thellë në emër të Familjes Lladrovci, i bindur se sakrifica e çdonjërit për popullin e vet, mbetet në kujtesë dhe e paharruar. Kjo u dëshmua edhe gjatë këtyre tri ditëve.
Ju faleminderit, ua kthefsha me të mirë!
