Në seancën e djeshme në Gjykatën Supreme të Sylejman Selimit, Sami Lushtakut e Jahir Demakut janë përjashtuar kamerat për shkak të mungesës së hapësirës.
Magazina.al, ka arritur të siguroj pamje nga kjo seancë në momentin kur Sami Lushtaku, kishte marrë fjalën para trupit gjykues.
Lushtaku i ka quajtur shpifje akuzat për të cilat po gjykohet tash e disa vite, ndërsa të gjitha këto sipas tij janë të montuara nga Prokurori Salustru, i cili thuhet se është bërë pjesë e institucioneve në Serbi.
Më tej Lushtaku, dëgjohet duke thënë se në Likovc nuk ka pasur asnjë burg përveç Shtabit të UÇK’së, e të cilin e kanë vizituar media e zyrtarë të huaj gjatë luftës, transmeton Magazina.al
I pari i Skenderajt, i cili ëshë duke u mbajtur tash e disa vite në burg, ka permendur edhe rastin e Oliver Ivanovicit, i cili akuzohet për vrasje të shqiptarëve në Mitrovicë, ndërsa është duke u mbajtur në burg shtëpiak.
“Unë tanë kohën kam kërkue nga prokuroria prova, nëse i referohesh aktakuzës tonë dhe asaj të Oliver Ivanovicit aty janë të vramë me emna dhe mbiemna dhe ai sot është n’shpi. E sot na jemi në burg për vrasje, të cilat nuk egzistojnë”, tha Lushtaku.
Për më shumë Magazina.al, ju sjell video nga seanca e djeshme.
