Një vinç me përmasa më të mëdha se shtatë kate banesore, është rrëzuar sot në qendër të qytetit të Podujevës.
Ky vinç i cili përdorej për ndërtimin e një objekti banesor në rrugën “Skënderbeu”, është rrëzuar sot rreth orës 13:30 minuta, raporton Llapi.info.
Fatmirësisht deri më tani nuk ka të lënduar. Të paktën kështu ka thënë mjeku kujdestar në Emergjencën e Podujevës, i cili deklaroi se deri më tani askush nuk ka kërkuar ndihmë mjekësore.
Indeksonline ka kontaktuar me Policinë në Podujevë, mirëpo të njëjtit nuk kanë pasur asnjë informacion të tillë.
- Advertisement -
