Ndodh çudia në futbollin e moshave të Spanjës.
Pas fitores 25-0 ndaj një ekipi të qytetit të Valencias, trajneri që drejtonte ekipin e fëmijëve të skuadrës Serranos, u shkarkua nga detyra.
Ky vendim u mor nga drejtori i akademisë, Pablo Alcaide, pasi sipas tij kjo fitore ishte kundër shpirtit të lojës.
“Ne besojmë se duhet t’i nxisim fëmijët të respektojnë kundërshtarët. Pas atij rezultati, vendosëm se trajneri duhet të largohet”, ishin fjalët e tij për “El Pais”
Avokati i trajnerit të shkarkuar, ka deklaruar se klienti i tij nuk i kishte shtyrë lojtarët që të shënonin aq shumë gola, por kjo ndodhi për shkak të paraqitjes së dobët të ekipit kundërshtar i cili sulmonte duke lënë hapësira mbrapa.
