Asambleisti i Kuvendit Komunal të Drenasit, Vehbi Berisha ka uruar qytetarët e Drenasit me rastin e ditës së çlirimit.
Berisha ka shkruar se kjo ditë e madhe është ndër ditët më të shënuara në historinë tonë.
“Kjo liri na obligon sot, që secili qytetarë e në veçanti udhëheqësit e Institucioneve të vendit (qendrore apo lokale) të punojmë fort për vendin tonë, që vendi ynë të ketë perspektivë të qartë të zhvillimit ekonomik, ku korrupsioni dhe krimi i organizuar luftohen pa kompromis, duke sigurua një të ardhme të ndritur për fëmijët tanë. Kujtim dhe respekt të përjetshëm për të gjithë dëshmorët e kombit, të cilët dhanë jetën e tyre për lirinë e atdheut” – shkruan Berisha në facebook.
Më poshtë mund të lexoni postimin e plotë të Vehbi Berishës
Të nderuar qytetarë të Drenasit, me lejoni që me rastin e ditës së çlirimit të Drenasit të ju uroj për ketë ditë të madhe e cila do të jetë përjetësisht njëra nder ditët me të shënuara në historinë tonë. Dita e çlirimit të Drenasit por edhe mbarë Kosovës, na kujton vuajtjet, sakrificën, persekutimin, shkatërrimin dhe gjenocidin mbi Popullin tonë nga regjimi shovinist Serb, ku në altarin e lirisë ranë me mija dëshmorë si dhe me ndihmën e aleateve ndërkombëtare e arritëm atë më të çmuarën, lirinë e vendit.
Kjo liri na obligon sot, që secili qytetarë e në veçanti udhëheqësit e Institucioneve të vendit (qendrore apo lokale) të punojmë fort për vendin tonë, që vendi ynë të ketë perspektivë të qartë të zhvillimit ekonomik, ku korrupsioni dhe krimi i organizuar luftohen pa kompromis, duke sigurua një të ardhme të ndritur për fëmijët tanë. Kujtim dhe respekt të përjetshëm për të gjithë dëshmorët e kombit, të cilët dhanë jetën e tyre për lirinë e atdheut.
