Ruke Ahmataj Sinani, mëngjesin e së mërkurës, duhej të udhëtonte nga Aeroporti Ndërkombëtar i Prishtinës drejt Zvicrës, raporton KTV .
Por, ajo mbeti në Kosovë, meqë bileta iu shqye nga një punonjëse e aeroportit.
Vetë protagonistja nuk ka dashur të flasë para kamerës për shkak të gjendjes shëndetësore, por vjehrri i saj tregon se si ndodhi mosmarrëveshja te sektori i dorëzimit të bagazhit.
Punonesja ia shqyen bileten by GazetaExpresscom
Shefki Sinani thotë se gjithçka filloi kur punonjësja e Aeroportit u tregoi se dy bagazhet së bashku kishin 4 kilogramë më shumë se limiti, andaj duhej pagesë shtesë. Bileta iu shqye pasi Sinani pagoi për kilogramët shtesë.
Pas kësaj, sipas tij, nusja e djalit të tij, e cila është shtatzënë, pati probleme shëndetësore dhe, me rekomandimin e mjekut, nuk udhëtoi.
Në Aeroportin Ndërkombëtar të Prishtinës u kanë kërkuar ndjesë udhëtarëve në fjalë “për pakënaqësinë e shkaktuar”.
