Sergio Ramos krijoi jo pak polemika gjatë finales së djeshme, teksa përveç se bëri disa ndërhyrje të ashpra, simuloi në mënyrë të turpshme për t’i dhënë kartonin e dytë Cuadrados, i cili la fushën 20 minuta pa përfunduar koha e rregullt.
Në fakt ishte ai që bëri një ndërhyrje të ashpër ndaj Cuadrado-s përpara se lojtari i Juve-s të çohej në këmbë për të tentuar një rivënie anësore të shpejtë.
Më pas Cuadrado duket sikur pa dashje shkel këmbën e Ramos teksa po shkonte të merrte topin dhe spanjolli nuk nguroi të bënte një rënie teatrale.
“Ramos do t’i vijë turp kur ta shohë skenën të nesërmen,” është shprehur Ferdinand për BT Sport.
- Advertisement -
