Ministri në detyrë i Punëve të Jashtme, Enver Hoxhaj është deri më tani ministri më i suksesshëm sa u përket njohjeve diplomatike për Kosovën.
Sipas statistikave zyrtare të njohjeve diplomatike, listës së ministrave me numrin më të madh të njohjeve i prin ministri i Jashtëm, Enver Hoxhaj, i cili gjatë gjithë kohës sa ka qenë ministër i Jashtëm i ka kushtuar rëndësi të vecantë dhe përparësi diplomacisë bilaterale.
Në mandatin e tij si ministër i Jashtëm, Hoxhaj ka siguruar gjithsej 38 njohje. 35 njohje janë arritur në mandatin e tij gjatë viteve 2010-2014, ndërsa 3 njohje janë arritur në mandatin e tij më pak se njëvjecar, kur pasoi Hashim Thaçin në kohën kur ky i fundit u zgjodh president i vendit.
Premisat për rritjen e numrit të njohjeve në vijim nga ana e Hoxhajt janë mjaft të mëdha, pasi që Hoxhaj njihet për njohurinë, strategjinë dhe kontaktet e shumta me shumë ministra të jashtëm dhe liderë shtetesh të mbarë të botës.
Gjatë mandatit të Hashim Thaçit, në ministrinë e Jashtme, janë siguruar tri njohje. Skënder Hyseni ka pasur gjithsej 35 njohje, ndërsa në kohën kur ushtruese e detyrës së ministers së Jashtme ka qenë Vlora Citaku, kanë ardhur dy njohje.
