Janë shpërblyer nxënësit e shkollave të Drenasit të cilët kanë treguar sukses në garën e diturisë e cila tani më është bërë tradicionale.
Në këtë garë kanë marrë pjesë të gjitha shkollat fillore të mesme të ulët, ndërsa vendin e parë e kanë zënë nxënësit e shkollës fillore “Abedin Bujupi” Arllat, me nxënësit Fiona Bujupi, Blerina Berisha dhe Drenusha Gashi.
Vendin e dytë e kanë marrë nxënësit e shkollës “Rasim Kiçina” Drenas, me nxënësit Blerina Emini, Diellza Gashi dhe Dorentina Ramadani,
Ndërsa në vendin e tretë nxënësit e shkollës “Naim Frashëri” Gllobar, me nxënësit Riad Morina, Kaltrina Dvorani dhe Venis Morina.
Kryetari i Komunës, Ramiz Lladrovci ka uruar të gjithë nxënësit për sukseset e arritura në Kuizin e Diturisë dhe u ka dëshiruar rezultate të mira edhe në testin e arritshmërisë i cili do të mbahet me datën 26.05.2017 për nxënësit e klasave të 9-ta.
“Kuisi i Diturisë” në fazën e parë është mbajtur në nivel shkolle, pra ne të gjitha shkollat fillore të mesme të ulëta, në 29 shkolla, me nxënësit e klasave të VI deri në të IX, pastaj është zhvilluar faza e dytë në nivel komunal, ku secila shkollë ka prezantuar me 3 nxënës të cilët kanë treguar suksese me të mëdha në fazën e parë në nivel shkolle.
Kuisi është mbajtur në lëndët e testit të arritshmërisë; gjuhë shqipe, angleze, histori, gjeografi, matematikë, informatikë, fizikë, kimi dhe biologji.
