Legjenda e Barcelonës, Xavi ka lavdëruar mesfushorin e Real Madridit, Toni Kroos për të cilin thotë se është lojtari që më shumti i ngjan atij në stilin e lojës.
Xavi njihet si një nga mesfushorët më të mirë në botë, ndërsa shquhej për kontrollin e jashtëzakonshëm të topit, pasime të shkurtra e organizim të lojës, transmeton Koha.net. Ai ishte një nga më meritorët për suksesin e Barcelonës dhe Spanjës.
Në nivel klubi ai kishte fituar tetë herë titullin e ligës, dhe katër herë Ligën e Kampionëve, derisa me Spanjën kishte fituar Kupën e Botës dhe dy herë Evropianin.
“Mendoj se Kroos është motori i Real Madridit. Ai ka një mënyrë të lojës që ma kujton shumë vetveten. Ai është si pasardhësi im në fushë. Në finalen e Ligës së Kampionëve, unë jam me Barcelonën, dhe nuk mund të jem me Realin sepse nëse ata bëjnë mirë, atëherë kjo nënkupton se Barcelona është keq. I uroj fat Juventusit për shkak të punës së madhe që kanë bërë në vitet e fundit. E meriton titullin”, ka thënë Xavi për Sportbild.
