Ramush Haradinaj kandidat për kryeministër nga koalicioni parazgjedhor PDK-AAK-NISMA ka thënë se qytetarëve të Kosovës Lindore duhet me ia dhënë shtetësinë e shtetit të Kosovës.
I pari i AAK-së, gjatë një bashkëbisedimi me qytetarët e Gjilanit ka thënë se kjo është punë shumë e vogël andaj edhe kryhet shpejt. Ai ka thënë se në Qeverinë Haradinaj nuk duhet të lejohet me u sjell jodrejtë ndaj tyre.
“Ky është vendim i marrën. Nuk është premtim”, ka thënë Haradinaj.
Kryetari i Aleancës për Ardhmërinë e Kosovës, Ramush Haradinaj ka thënë se vendimin për koalicion parazgjedhor me PDK-në e ka bërë jo për ta ruajtur nderin e tij, por për hir të vendit. Ai ka thënë se nuk ka rëndësi sa do t’i kushtoj ky vendim, rëndësi sipas tij, është qe ky koalicion me i sjellë të mira Kosovës.
“Asnjë vendim nuk e kam marrë me rujte ndërin tim. Nuk kam fjalë unë, nëse nuk ka atdheu. S’ka lidhje sa me kushton mua, nëse i del mirë Kosovës. Unë s’kam fjalë e besë për popullin tim”, ka thënë Haradinaj gjatë bashkëbisedimit me qytetarët e Gjilanit, transmeton ‘Indeksonline’.
Tutje, Haradinaj ka thënë se në qeverisjen e tij punet do të kryhen shpejt.
“Nëse punojmë dhe të gjithë jemi dëshmitar se dinamikat tona kanë më ecë përpara. Nuk e kem luksin më u bërë kishe po punojmë. Nëse punojmë si duhet shpejt vijmë tek investimet dhe të integrimet “, ka shtuar ai.
