Disa veteranë të Ushtrisë Çlirimtare të Kosovës po protestojnë para ndërtesës së Qeverisë në Prishtinë.
Duke mbajtur në dorë flamuj e kapela me logon e UÇK-së, ata thonë u janë shkelur të drejtat e tyre, pasi nuk kanë marrë asnjë pagesë apo përfitim për shkak të statusit të tyre të invalidit të luftës.
Xhevdet Jashari, që thotë se ka marrë pjesë në luftën e vitit 1999 në kuadër të brigadës 138 ‘Agim Ramadani’, akuzon institucionet për neglizhencë, duke thënë se nuk ka marrë asnjë pagesë për statusin e veteranit dhe invalidit të UÇK-së.
“Gjithashtu jam student i Fakultetit Juridik dhe nuk kam asnjë përparësi”, tha Jashari në protestën e tij para Qeverisë.
Kjo protestë po mbahet në një kohë kur Kuvendi është mbledhur për ta shqyrtuar mocionin kundër Qeverisë Mustafa të iniciuar nga NISMA për Kosovën.
