Shoqata humanitare “Jetimat e Ballkanit” ka shpërndarë ndihma ushqimore miell dhe batanie për 50 familje skamnore të Skenderajt.Pakot janë shpërndarë në Qendrën për Punë Sociale në Skenderaj, ndërsa lista e përfituesve është hartuar nga ky institucion, i cili ka falenderuar “Jetimat e Ballkanit”, transmeton Drenica Press.
Më rastin e shpërndarjes së këtyre ndihmave drejtori për Shëndetësi dhe Mirëqenie Sociale në Skenderaj Enver Gashi, në emër të Komunës së Skenderajt e ka falenderuar shoqatën “Jetimat e Ballkanit” për ndihmën e dhënë familjeve skamnore. Ai theksoi se kjo nuk është hera e parë që kjo shoqatë ndihmon në projekte humanitare gjë për të cilën institucionet lokale janë falenderuese, njofton InfoKomuna.
Drejtori i shoqatës “Jetimat e Ballkanit” u shpreh i kënaqur që po arrijnë të ndihmojnë familjet në nevojë të Skenderajt, që është mision i kësaj shoqate. Ai po ashtu theksoi edhe gatishmërinë që ka treguar QPS në Skenderaj për të realizuar shpërndarjen e pakove për familjet nevojtare.
50 pakot ushqimore i kanë marrë 50 familjet nevojtare të Skendajt të përzgjedhura nga QPS-ja në Skenderaj. Këto familje janë përfituese të asistencës sociale.
