Kryesisa e Degës së PDK-së në Skenderaj sot ka mbajtur takim mobilizuese me strukturat drejtuese të partisë në nëndegën e Kllodernicës.
Derejtuesit e seksioneve Klladërnicë, Izbicë dhe Shpat raportuan për gjendjen e strukturave të partisë dhe për nivelin e organizimit. Sipas raportimeve të paraqitura gjendja e PDK-së në terren është shumë e mirë dhe me nivel të lartë të organizimit. Mbështetja për PDK-në në këtë lokalitet vazhdon të jetë e madhe dhe e pakontestueshme.
Drejtuesit e degës i informuan pjesëmarrësit në takim për zhvillimet e përgjithshme politike në vend dhe për zhvillimet brenda PDK-së. Ata kërkuan nga pjesëmarrësit angazhim shtesë në këtë periudhën pasi viti 2017 është vit zgjedhor.
Edhe në këtë takim u diskutua për projektet që po realizon dhe do të realizojë Komuna e Skenderajt në fshatrat e këtij lokaliteti. Udhëheqësit e strukturave partiake u shprehën të kënaqur me projektet që po zhvillohen në rrugët e lagjeve, kanalizim dhe ujësjellës.
