Kryetari i Komunës së Drenasit, z. Ramiz Lladrovci dhe eurodeputetja e Parlamentit Europian, znj. Julie Ward kanë vizituar znj. Kadire Tahiraj drejtoreshë e Qendrës për Promovimin e Drejtave të Grave në Drenas dhe aktivistet e kësaj organizate.
Eurodeputetja e Parlamentit Europian, znj. Julie Ward, gjatë vizitës që i ka bërë organizatës që promovon dhe mbron të drejtat e grave, ka thënë se i përkrahë dhe mbështet aktivitetet e tyre. Ajo është shprehur e kënaqur me punën e grave të kësaj organizate dhe ka thënë se zëri i tyre do të përçohet edhe në Parlamentin Europian për mbrojtjen dhe të drejtat e tyre.
Gjatë qendrimit në organizatë, ajo ka vizituar edhe ekspozitën e punëve të tyre të artizanatëve dhe është ndarë e kënaqur me vullnetin që kanë arritur të punojnë punime të ndryshme të artizanateve me motive kombëtare.
Ndërsa kryetari i Komunës, z. Ramiz Lladrovci ka falënderuar eurodeputeten Ward për këtë vizitë dhe ka njoftuar se Komuna e Drenasit është mbështetëse dhe përkrahëse e kësaj organizate ku i ka siguruar ambiente për zhvillimin e aktiviteteve.
