Feronikeli ishte nikoqir i Dritës në ndeshjen e xhiros së 25-të të Vala Superligës së Kosovës në futboll, ku kanë luajtur pa gola.
Në takimin e zhvilluar në stadiumin “Rexhep Rexhepi” nuk pati gola në fraksionin e parë.
Në minutat e para të kësaj pjesëloje dominuan vendasit. Mirëpo, në vazhdim mysafirët rrezikuan në dy raste, porse porta e Malokut mbeti e paprekur.
Raste pati edhe në pjesën e dytë, ndërsa kampioni në fuqi u përpoq ta fitonte ndeshjen, por nuk ia doli.
Me këtë barazim, Feronikeli mbetet prapa në garën për titull, pasi ka gjashtë pikë më pak se Trepça ’89 që në këtë xhiro luan kundër Ferizajt.
Drita mbetet në zonën e barashit me tri pikë prapa Lirisë (që nuk e ka zhvilluar ndeshjen e kësaj jave). /Telegrafi/
