Drenica e ka mposhtur 3:1 në udhëtim Feronikelin, duke i bërë favor Trepçës ‘89
Drenica ka siguruar tri pikë shumë të rëndësishme në xhiron e 23-të të Superligës së Kosovës, duke e mposhtur 3:1 në udhëtim Feronikelin, në ndeshjen e luajtur në “Rexhep Rexhepi” në Drenas.
Armend Abazi (48’) dhe Kreshnik Lushtaku (70’ e 92′) shënuan golat për Drenicën, derisa për Feronikelin shënoi Mentor Zhdrella në minutën e 86’të.
Pas kësaj fitore, Drenica ka shkuar në kuotën e 28 pikëve, derisa pas kësaj humbje, Feronikeli mbetet në kuotën e 48 pikëve, gjashtë më pak se Trepça ’89 që në rast fitores nesër ndaj Lirisë, diferenca do të shkonte në nëntë pikë me pozitën e dytë. /Express/
