Kryeparlamentari Kadri Veseli, sot do të jetë në fshatin Izbicë, për të marr pjesë në manifestiminin përkujtimor me rastin e 18-vjetorit të masakrës së Izbicës.
Kadri Veseli pritet të arrijë në fshatin Izbicë para orës 11:00.
Në anën tjetër Komuna e Skënderajt nëpërmjet një komunikate ka bërë të ditur se tubimi për shënimin e të Ditës së Martirëve të Komunës së Skenderajt dhe 18 vjetorit të Masakrës së Izbicës fillon në ora 12:00 dhe mbahet në Kompleksin e Varrezave të Izbicës.
Paraprakisht nga ora 11:00, bëhen homazhe dhe vendosen lule kushtuar të rënëve që prehen në këtë vend.
Ky manifestim përkujtimor si tradicionalisht organizohet nga Komuna e Skenderajt në bashkëpunim me familjarët e të rënëve dhe martirëve në kuadër të shënimit të Ditës së Martirëve./Drenicapress.info/
