Posti i kryetrajnerit të Kosovës, sot është posti më i lakmuar jo vetëm nga trajnerët kosovar, por edhe për ata të huaj.
Jo pak trajnerë kanë shprehur haptazi dëshirën e tyre që një ditë të bëhen selektor të Kosovës.
Gazeta Blic merr vesh se katër emra po përmendën, që mund të vijnë në krye të përfaqësueses së Kosovës.
Ish- trajneri i Prishtinës dhe i kombëtares kroate Ciro Bllazeviç, disa herë e ka bërë publike dëshirën e tij për t’u bërë selektor i reprezentacionit të Kosovës. Madje, kroati disa muaj më parë në një intervistë kishte deklaruar që nëse ai bëhet trajner i Kosovës, më shumë gjasa Kosova do të jetë pjesëmarrëse në kampionatin botëror “Rusia 2018”, shkruan GazetaBlic.com.
Po ashtu edhe ish- lojtari i famshëm i Prishtinës, Ardian Kozniku është një emer tjetër i cili “ëndërron” që një ditë të jetë pasardhësi i Albert Bunjakit. Kozniku i kishte thënë mediave kroate që ëndërron dhe jeton që një ditë të emërohet selektor i Kosovës, shkruan GazetaBlic.com
Sipas një burimi të rezervuar, të dy këta trajnerë kanë shprehur interesim dhe kanë kontaktuar drejtuesit e Federatës së Futobollit të Kosovës.Një trajner i cili pothuajse çdo herë kritkon reprezentacionin e Kosovës dhe trajnerin Bunjaki, është edhe ish trajneri i Hajvalisë Ismet Munishi. Ky i fundit në ndeshjën që Kosova e humbi përballë Kroacisë kishte thënë që ai me Hajvalinë nuk do të humbiste me rezultat 6-0, ai po ashtu ka kritikuar trajnerin Bunjaki për formacionin e gabuar që e ka hedhur në fushë përballë Islandës.
Ismet Munishi edhe pse nuk e ka shprehur haptazi dëshirën e tij që të bëhet tani selektor, ai në RTK kishte deklaruar që një ditë shpreson të bëhet selektor i Kosovës, por jo në keto momente, shkruan GazetaBlic.com
Por sipas një burimi kofindencial të Gazetes, më i preferuari nga Fadil Vokrri është Besnik Hasi
krejt kjo pasi që Hasi së fundmi ka qenë kreytrajner i dy gjigantëve të futbollit, Anderlecht dhe Legia Warsaw.
Vokrri e sheh Hasin si një trajner me ide dhe një trajner ofansiv, i cili i përshtatet kombëtares së Kosovës e cila më shumë lojën e bazon në fazën ofensive.
Një gjë është sigurt, “karriga” e Albert Bunjakut është bërë shumë atraktive për trajnerët vendor dhe ata të huaj.
