Autoritetet amerikane kanë ngritur aktakuzë kundër një çifti në Nju York për vrasjen e të birit adoleshent dhe për vënien e zjarrit shtëpisë së vet rurale, me qëllim që ta mbulonin krimin.
Zyra e Sherifit të Chenango ka njoftuar se 35-vjeçari Ernest Franklin II dhe 33-vjeçarja Heather Franklin akuzohen për vrasje të shkallës së dytë, zjarrvënie të qëllimshme dhe dëmtim të provave, transmeton Express.
Më 1 mars policia kishte marrë një informatë për zjarr në shtëpinë ë kësaj familjeje në qytetin Guilford. Policia e kishte gjetur të birin e çiftit, 16-vjeçarin Jeffrey Franklin, të vdekur brenda shtëpisë.
Autopsia e bërë në të ka treguar se ai nuk kishte vdekur si pasojë e zjarrit, pasi që ai kishte vdekur para se të fillonte zjarri në shtëpi.
Por, policia s’ka treguar se si ishte vrarë ai./Express/
- Advertisement -
