Zyrtarët shtetërorë duket se nuk po kanë “merak” ta deklarojnë pasurinë që posedojnë. Kështu po tregon publikimi i Agjencisë Kundër Korrupsionit.
Prej 1 marsit kur edhe ka filluar ky proces, numri i zyrtarëve shtetërorë që kanë deklaruar pasurinë është 394, shkruan Indeksonline.
Mirëpo numri i zyrtarëve që kanë për obligim të deklarojnë pasurinë në formularë është 4 mijë e 448.
Ndërsa u kanë mbetur plot edhe 21 ditë deri në përfundimin e këtij procesi. AntiKorrupsioni u ka bërë thirrje zyrtarëve që të deklarojnë pasurinë.
“Deri në fund të afatit për deklarimin e pasurisë (31 mars) kanë mbetur edhe 21 ditë. Agjencia Kundër Korrupsionit i bënë thirrje të gjithë zyrtarëve të lartë që të dorëzojnë formularët e deklarimit të pasurisë në përputhje me afatet ligjore. Agjencia është në dispozicion të të gjithë zyrtarëve në mënyrë që procesi i deklarimit të pasurisë të kryhet me sukses”, thotë AKK.
