Asambleisiti i Kuvendit Komunal të Drenasit, Vehbi Berisha, i shoqëruar nga familja ka vizituar kompleksin memorial në Prekaz të Skenderajt, për të nderuar veprën sublime të komandantit legjendar Adem Jashari dhe familjes Jashari.
Përmes rrjetit social facebook, Berisha shkruan:
Në Prekazin heroik, aty ku buron liria dhe atdhedashuria
Të dashur miq, dje se bashku me familje isha për vizitë në kompleksin memorial “Adem Jashari” në Prekaz, ku në varrezat e dëshmorëve prehen 61 trupat e Jasharajve, në krye me Shaban, Hamëz dhe Adem Jashari, të cilët ranë heroikisht me 5, 6, dhe 7 Mars 1998, ne betejë me forcat paramilitare serbe.
Pasi që sot fillon edhe Epopeja e Jasharjave, dashtë Zoti që këto ditë të sakrificës dhe krenarisë sonë kombëtare, të na shërbejnë si këndellje për të gjithë ne, për ndërtimin dhe forcimin e shtetit tonë Republikës së Kosovës.
Respekt dhe nderim i përjetshëm për familjen Jashari si dhe të gjithë Dëshmoret dhe të rënët për lirinë e Atdheut. /Drenica Press/
