Trajneri i Drenicës, Fadil Rama, ka kritikuar gjyqtarin kryesor, Tefik Malokun, për kartonin e kuq ndaj Kreshnik Lushtakut, e që sipas tij doli të jetë vendimtar në fitoren 6:0 të Prishtinës.
“Pjesa e parë ishte e barabartë plotësisht. Prishtina nuk pati diçka më tepër. Dy golat erdhën pas gabimeve tona. Përcaktues për rezultatin e thellë ishte kartoni i kuq. Gjyqtari ishte fajtor për këtë humbje kaq të lart. Te bankina jonë pati shumë ndërhyrje, por nuk pati ndëshkime. Edhe ndaj Trepçës ’89 gjyqtari ishte përcaktues, e edhe sot gjithashtu”, deklaroi Rama për “Supersport”, përcjellë “GazetaOlle.com”.
Kjo humbje ia vështirëson Drenicës punët për t’i ikur zonës së kuqe.
- Advertisement -
