Deputeti shqipatr në Kuvendin e Maqedonisë, Artan Grubi nga Bashkimi Demokratik për Integrim (BDI), ka reaguar pasi presidenti Gjorgje Ivanov nuk ia dha mandatin Zoran Zaevit për ta themeluar qeverinë e re së bashku me partitë shqiptare.
“E kam thënë, po e përseris dhe do vazhdoj ta artikuloj çdo ditë për sa kohë që ka të tillë që abuzojnë të vërtetën: Deklarata e përbashkët e partive shqiptare të Maqedonisë është nje deklaratë e hartuar në Shkup , nga partitë shqiptare të Maqedonisë dhe për një Maqedoni evropiane. Barazia nuk dëmton askënd, barazia dhe integrimi i brendshëm janë ne funksion të integrimit euro-atlantik”, ka thëna ai, përcjell Periskopi.
Ai ka tregaur nga rrejdhin pikat e veçanta të kësaj deklarate.
“Pikat e veçanta të deklataratës së përbashkët të partive parlamentare shqiptare rrjedhin nga programet tona zgjedhore, nuk cënojnë në asnjë mënyrë karakterin unitar të shtetit, nuk i referohen as federalizimit, as kantonizimit e as ndarjes së vendit. Përqafimi i kësaj Deklarate nga të gjithë qytetarët është në përputhje me vlerat evropiane”, ka pohuar ai.
Grubi gjithashtu ka adersuar një kërkesë për parititë maqedone.
“Prandaj, ftoj partitë maqedonase që përplasjen e tyre ndërpartiake mos ta bëjnë mbi baza etnike e aq më pak duke përdorur pjesë të ndara nga deklaratat tona për t’i vënë në kontekstin e histerisë së përplasjes së tyre konceptuale sepse, e para, nuk i shërben të vërtetës, dhe e dyta, është një lojë e rrezikshme”, ka thënë ai./Periskopi/
