Në mbledhjen e Qeverisë së Kosovës, ministri Arban Abrashi, ka paraqitur problemet për pamundësinë e marrjes së vërtetimeve për veteranë nga disa persona.
Mirëpo Abrashi ka bërë të ditur se mund të aplikojnë për pensione.
“Puna e zyres se veteraneve prane kryeministrit dhe personat qe punojne ketu eshte nderprere per shkak te punes se komisionit dhe disa persona kane mbetur pa i marr vertetimet per veterane keshtuqe mund te aplikojne per pensione”, ka thënë Abrashi.
Në anën tjetër ministri i shëndetësisë Imet Rrahmani, ka paraqitur shqetësimin për skadimin e mandatit të bordit, kështu ka propozuar vazhdimin e mandatit, apo krijimin e një bordi të ri.
Qeveria e Kosovës ka nisur mbledhjen e 184-të të saj.
Ndonëse kryeministri Isa Mustafa kishte paralajmëruar se në fillim të marsit Qeveria do ta procedojë në Kuvend marrëveshjen për demarkacion, kjo nuk pritet të ndodhë këtë javë.
Në 8 pikat e diskutimit sot në mbledhjen e Qeverisë nuk përfshihet askund ajo e demarkacionit, raporton Indeksonline.
Ndër temat që do të diskutohet janë shqyrtimi i projektligjit për Ratifikimin e Marrëveshjes së Financimit të Projektit për Sigurinë, shqyrtimi për marrëveshjen për bashkëpunim Teknik për vitin 2016, etj.
