Besart Berisha pret të debutojë për Përfaqësuesen e Kosovës në ndeshjen e ardhshme kundër Islandës.
Sulmuesi i Melbourne Victory, Besart Berisha pret të debutojë për Kosovën në duelin e muajit të ardhshëm kundër Islandës në kualifikime për Kampionatin botëror 2018.
Berisha ka luajtur në të kaluarën për Shqipërinë duke e përfaqësuar në 17 ndeshje.
Por, ai ka marrë leje speciale nga FIFA që t’i bashkohet Kosovës, që u anëtarësua në FIFA më 2016. 31-vjeçari u tha gazetarëve të enjten se dëshiron t’i bashkohet ekipit të Albert Bunjakit.
“Në këtë fazë duket se do të shkoj, për të luajtur ndeshjen time të parë për Kosovën”, deklaroi Berisha, përcjell “lajmi.net”.
“Andaj, për mua do të jetë interesant sepse kam vendosur të shkoj dhe shpresoj të kaloj mirë”, theksoi ai. /Lajmi.net/
- Advertisement -
