Në ambientet e klubit tetovar të Shkëndijës ka qënë për vizitë drejtori i akademisë së Barcelonës për projekte në Europë, Injaki Andreu. Ai është takuar me përfaqësues të Shkëndijës për të shqyrtuar mundësinë e një investimi në të ardhmen për të vënë në jetë një projekt të një shkolle futbolli sipas standarteve më të larta ndërkombëtare.
Shkëndija është ndalesa e parë e drejtorit të Barcelonës në Maqedoni, duke e vlerësuar klubin e drejtuar nga kompania “Ecolog” mbi klubet e tjera maqedonase. Për realizimin e kësaj vizite është nevojitur ndërmjetësimi i Ministrisë për Investime të Huaja. Në vazhdim pritet të mbahen dhe takime të tjera mes dy palëve.
