Takimi i koordinuar në mes të Komisionit për Integrime Evropiane dhe eurodeputetes, Tanja Fajon ka mund të dështoj.
Kjo për faktin se kryetarja e këtij Komisioni, Njomza Emini është vonuar 10 minuta duke e lënë në pritje deputeten Fajon, e cila është edhe raportuese për liberalizimin e vizave për Kosovën në Parlamentin Evropian.Vet deputetja Emini ka pranuar se është vonuar, por jo 10 minuta.
“Isha në me një delegacion tjetër, dhe nuk kisha mundësi assesi të mbërrija me kohë. Por, nuk jam vonuar sa po thoni ju 10 minuta, por katër minuta”, ka thënë Emini për ‘Indeksonline’.
Edhe në të kaluarën ka pasur praktika kur politikanët kosovarë kanë lënë në pritje delegacione të huaja.
Ndryshe, eurodeputetja Fajon ka pasur takime të shumta në dy ditët e fundit. Ajo ka takuar veç e veç shefat e Grupeve Parlamentare për çështjen e demarkacionit. /Indeksonline/
