10 vjet pas demonstratës së 10 shkurtit të vitit 2007, që ishte thirrur nga Lëvizja Vetëvendosje kundër Pakos së Ahtisarit, kryetari i KMDLNJ-së, Behxhet Shala, ka zbuluar në emisionin COSMO të KTV-së, se si KMDLNJ i kishte bërë kërkesë me shkrim ish-Presidentes së Kosovës, Atifete Jahjaga, për t’i dekoruar dy viktimat e kësaj demonstrate, Mon Balajn dhe Arben Xheladinin.
Por siç ka thënë Shala, Zyra e Presidencës nuk kishte kthyer asnjë përgjigje (min: 21:30).
Në gjykimin e Shalës, kjo heshtje e Presidencës vjen si rezultat i faktit që Mon Balaj dhe Arben Xheladini ishin vrarë nga policia ndërkombëtare e UNMIK-ut, çka në rast se do të dekoroheshin, do të mund të ishte një lloj rrezikimi i marrëdhënieve me bashkësinë ndërkombëtare.
- Advertisement -
