Nënkryetari i Komunës së Skenderajt Fadil Nura ka takuar sot banorët e Bashkësisë Lokale të Çirezit me qëllim të informimit dhe diskutimit rreth projektit të kanalizimit në këtë lokalitet. Ai i ka informuar të pranishmit në takim se projekti i kanalizimit fekal është paraparë me buxhetin e vitit 2017 dhe tashmë është në fazën e harimit. Ai ka theksuar se Komuna e Skenderajt është e fokusuar në realizimin e projekteve jetike për qytetarët, në këtë kontekst, z.Nura ka thënë se Çirezi ka qenë prioritet i investimeve.
Banorët e Çirezit u shprehen shumë të kënaqur me lajmin për realizimin e projektit të kanalizimit, duke evidentuar shqetësimet që kanë për shkak të mungesës së trajtimit të ujërave të zeza. Ata u interesuar edhe për mënyrë e realizimit të këtij projekti dhe detaje të tjera teknike të tij.
Në takim Nënkryetari Nura ishte i shqëruar nga Kryesuesi i Kuvendit komunal Ismet Salihu dhe drejtorë të drejtorive komunale.
Komuna e Skenderajt investimet kapitale për vitin 2017 i ka orentuar kryesisht në projekte të ujësjellësve, kanalizimeve, rrugëve të lagjeve dhe shkolla.
Gjatë viti 2017 në Çirez pritet të përfundojë edhe ndërtimi i objektit të ri të shkollës.
