Rreth 500 mijë njerëz manifestojnë të dielën në mbrëmje, megjithëse qeveria u tërhoq nga zbutja e legjislacionit antikorrupsion, në ditën e gjashtë të një proteste të paprecedentë që prej përmbysjes së regjimit komunist, njoftojnë mediat e vendit.
Tërheqja nga një dekret që do tu kishte bërë të mundur politikanëve t’i shpëtonin ndjekjes penale nuk e qetësoi zemërimin e manifestuesve, të cilët ishin rreth 250 000 vetë në Bukaresht përpara godinës së kryeministrit socialdemokrate Sorin Grindeanu.
Manifestuesit në kryeqytetin rumun, me flamuj të Bashkimit evropian në duar, thërrisnin në kor « Largohuni » dhe «Hajdutë », përcjell Atsh.
Por, kryeministri Sorin Grindeanu nuk pranon të japë dorëheqjen, duke deklaruar në një intervistë televizive se « mban përgjegjësi ndaj të gjithë atyre që votuan për partinë e tij në zgjedhjet e 11 dhjetorit.
